آستارا سرحدينده قارا بولوتلار

09/05/2006

آستارا قهوه خاناسيندا جماعت تخته نرد اوينايير و لاله ايستکانلاردا چاي ايچير و موسيقي يه قولاق آسير. آمما بو جماعت نيگراندير کي نئچه مئتر او تايدا (ايران دا) ايرانين اتم برنامه لري و امنييت شوراسينين تصميمي هارا چاتاجاق.

نريمان 47 ياشلي کيشي، دئيير کي يالنيز معمولي آداملار و حتتي بوردا بيزلر ده مومکوندي تحريم اولان حالدا ضرر گؤرک. بير باشقا موشتري ايضافه ائدير کي دوز عراق کيمي، آمئريکا زور دئيير و ايسته يير کي موسلمان ميلتلري ازسين.

آستارا سرحددي 1990 دان بويانا آچيليب و ايکي تايدا جماعت بيربيري ايله گؤروشه بيلرلر.

آستارا سرحددينده بؤيوک کاميونلار گئديب گليرلر و ايران- آذربايجان تيجارتي 450 ميليون دولارا چاتيب کي هر ايل آرتير.

آستارا بازاريندا، ياغ، دوچرخه، دويو و باشقا يئييب ايچمه و گئيمه ايراندان گلير. آستارانين ياري جميعيتي ايران ايله تيجارته مشغولديلار و اگر بير گون سرحد باغلانسا اونلار دا پيس گونه دوشرلر.

ايران ايله آذربايجان تاريخ اوزرينده بير بير ايله علاقه دار اولوبلار. ايراندا تخمينا 22 ميليون تا 30 ميليون آذربايجانلي ياشايير و آذربايجاندا 8 ميليون جمعييت بو تايداکي آذربايجانليلار ايله قان قارداش کيميديلر.

آذريلر عئين حالدا نيگرانديلار کي ايران حؤکومتي ايران آذريلريني سيخير و اگر اتوم سيلاحينا صاحيب اولسا چوخراخ خطرلي اولابيلر.

آمما آستارانين 1001 گئجه قهوه خاناسيندا جماعت چاي ايچير و تخته نرد اوينايير و گونلر گئچير....

(خولاصه اولموش Baku Today Net سايتيندان)