گونئی آستارا آذربایجان'دان نییه قوپاریلیب؟

موتخصصیصلرین فیکرینجه، تئهران حاکیمیییتینین بو سایاق داورانیشی پئرسپئکتیوده ائتنیک قارشیدورما یارادابیله ر

س.صدرددین

گونئی آذربایجان اراضیلرینین پارچالاناراق باشقا ائتنوسلارین ایالتلری ایله بیرله شدیریلمه سی پروسئسی سون ایللر گوجله نیب. تخمینن 10 ایل اؤنجه ایندیکی اردبیل ایالتی مرکزی تبریز اولان شرقی آذربایجان بؤلگه سینین ترکیب حیصصه سی ایدی. تئهران حاکیمیییتی اردبیل ایالتینی یاراتدیقدان سونرا آذربایجان'ین تاریخی تورپاقلارینین موعیین حیصصه سی، او جومله دن گونئی آستارا رایونو فارس دیللی ساییلان گیلان ایالتینین ترکیبینه قاتیلدی.

اردبیل'دن اولان میللت وکیلی حسن نوعی اقدم'ین مساله یه داییر موناسیبتی باره ده "ایلنا"نین اؤته ن ساییلاریندان بیرینده خبر وئرمیشدیک. بو دئپوتات بیلدیرمیشدی کی، آستارا رایونو تاریخن اردبیل'له علاقه دار اولوب. اونون سؤزلرینه گؤره، بو رایونون ائتنیک مدنی-ایقتیسادی، ایجتیماعی و س. موناسیبتلری بیر قایدا اولاراق گونئی آذربایجان'ین آدی چکیله ن اراضیسی ایله باغلیدیر.

فومن شه هه رینین دئپوتاتی ناسیر آشوری پارلامئنتین اؤته ن هفته کئچیریله ن آچیق ایجلاسینداحسن نوعی اقدم'ین چیخیشینا جاواب وئریب. او دئییب: "اردبیل'دن اولان بیر دئپوتات ایران'ین تئلئویزییا کانالینا موساهیبه وئره رکن سرهد رایونو ساییلان آستارا'نین گیلان ایالتیندن آیریلاراق اردبیل'ه بیرله شدیریلمه سی هاقدا فیکیر سؤیله ییب. اؤلکه نین تئلئویزییا کانالیندا بئله ایددیا ایله چیخیشینا گیلان ایالتی ایجرا هاکیمیییتی، بؤلگه دئپوتاتلاری و داخیلی ایشلر ناظیرلییی رسمی مؤوقئع بیلدیریب. بو دئپوتاتین مساله یه داییر وئردییی بیانات بوش، اساسسیز ساییلیب. بونونلا دا اونون توخوندوغو مسله هلل ائدیلیب".
اردبیل ایالتینین دئپوتاتی حسن نوعی اقدم ایرنا خبر آگئنتلییینه فاکس گؤندره رک مؤوزوع ایله باغلی علاوه تاریخی فاکتلاری آچیقلاییب. اورادا دئپوتات بیلدیریب: "تاسسوفله بیلدیرمک ایسته ردیم کی، پیشه وری'نین باشچیلیق ائتدییی حؤکومت و قولام یحیا دؤورو ایستیثنا اولماقلا آستارا رایونونون همیشه گیلان ایالتینه تابئع اولماسی هاقدا ایره لی سوروله ن ایددیعا تاریخی ساختالاشدیرماغا خیدمت ائدیر. بو رایون یاخین کئچمیشده اردبیل رایونونون بؤلگه لریندن بیری اولوب. اردبیل ایسه شرقی آذربایجان ایالتینه داخیل ایدی. آستارا اردبیل یاشاییش منطقه سینین بئشینجی شه هه ری ساییلیردی. شاه هاکیمیییتی زامانی چئشیدلی چتینلیکلر، او جومله دن یولون اوزاقلیغی، تهلوکلی گدیکلر، اهالینین گئدیش-گلیشی ایله باغلی پروبلئملر اوجوباتیندان هؤکومتین قراری ایله 1958-جی ایلده آستارا اردبیل'دن قوپاریلاراق گیلان ایالتینه بیرله شدیریلدی. بیر کند، قسبه، ماهال و یا رایونون بیر ایالتدن آییراراق دیگرینه بیرله شدیریلمه سی، یئنی بیر ایالت یارادیلماسی قانونلا تنزیمله نیر. بو قانون "رئسپوبلیکا اینزیباتی اراضی بؤلگوسو قانونو" آدلانیر. 1983-جو ایلده مساله یه داییر قرار قبول ائدیلیب..."

خاتیرلاداق کی، ه.نوعی اقدم چیخیشیندا آستارا'نین اردبیل'ه مسافه جه داها یاخین اولدوغونو دا بیلدیرمیشدی. او دئمیشدی کی، آستارا'دان اردبیل'ه اولان مسافه 100 کیلومئتره یاخین، اورادان گیلان'ین مرکزی ساییلان رشد'ه ایسه یولون اوزونلوغو 200 کیلومئتردن آرتیقدیر.

موتخصصیصلرین فیکرینجه، تئهران هاکیمیییتینین بو سایاق اراضی اینزیباتی بؤلگوسو پئرسپئکتیوده اؤلکه ده کی چئشیدلی ائتنیک قوروپلار آراسیندا موناقیشه یارادابیله ر. بو پروبلئمین یالنیز آذربایجان تورکلری ایله باشقالاری آراسیندا دئییل، عئینی زاماندا، عربلرله کوردلر، بلوچلارلا فارسلار آراسیندا یارانماسی دا مومکوندور. اونلارین باخیشلارینا گؤره، ایران ایقتیداری یئنی اینزیباتی اراضیلر یارادارکن شه هه ر و کندلرین تاریخی، ائتنیک، مدنی و س. کیمی اؤزه للیکلرینی نزره آلماییب. بونون اساسیندا ایسه پانفارسیست و پان ایرانیست ایدئولوگییا دایانیر. همین دوشونجه یه گؤره، ایران'دا بیر میللت، "ایران میللتی" وار، اونلارین هامیسی فارس'ین تؤرمه سیدیر...