آستارا ساحيلينده
بو قوشوق شئعر چلنگي- اوياق وئبلاگيندان آلينيبدير
(رحمتليك شاعير دوستوم رضا غفاري´يه )
آستارا ساحيلينده
آستارا ساحيلينده
گوموش لپه لر ايله
پيچيلدايان زاماندا
بيلمزديم كي آنلارين
آخيشي سني مندن بئله سي آلاجاقدير
ايكي ساري كؤينه يه
اوتانجاق ساتاشاندا
بيلمزديم خاطيره لر قيغيلجيمي
كؤنلومده
ابدي قالاجاقدير
بيلمزديم بير گون گله ر
او گولوش باغچاسيندان
بير چيچك دره نمه ره م
دردين ياش پالتارلارين
گونشه سره نمه ره م
گئديش حاقديرسا آنجاق
يئرسيز زامان گله نده
سانكي ياشيل تارلاني
باياض تومورجوقلاري
شيديرقي دولو دؤيور
باش گؤتوروب بو آنلار
گئديرسه ده تله سيك
اوره يين گؤينه رتيسي
نه آزالير نه سؤنور
ال گؤتورون ياخامدان
سيميتن ماليخوليالار
داريخديران گومانلار
مني راحات بوراخين
خاطيره لر قيريغي
اي زهه رلي....تيكانلار
10/2/82 تبريز) نادير پاشا)
0 Comments:
Post a Comment
<< Home