آستارا´دان ناخجيوان´ا
آستارا´دان ناخجيوان´ا- سؤهراب طاهير´دن محممد آراز´ا
سؤهراب طاهير چاغداش آذربايجان شاعيرلرينين ان گؤركملىلريندن بيرىدير و اصلى آستارالىدير.
عؤمور بويو محمد آرازلا بيرگه اوخوموش٬ بيرگه ياشاميشدير. ناخجيوانا دا اونونلا بيرگه گلميشدى و محمد آراز´ين خسته ايللرينده (پاركينسون) عؤمورلوك دوستوندان هئچ آيريلماق ايسته مه ميشدى.
بير آخشام سن منى قوناق ساخلادين
يارامى يارانلا يويوب باغلادين
منيم گؤزلريمله بعضن آغلادين
قويمادين گؤزلريم دولا قارداشيم
تويونا گلميشم٬ هر يئر خونچادير
بوش اليم بوكولموش٬ قانلى غونچادير
بيرجه اوره ييم وار٬ پارچا پارچادير
او سنه چاتاجاق٬ آلا! قارداشيم.
اوره ييم شيشه دير٬ اوره ييم حليم
كيم اونو اديكىيه بؤلدو٬ نه بيليم
آل٬ او چيليك چيليك٬ او ديليم ديليم
اونو بير بيرينه جالا٬ قارداشيم!
دره لر كئچه ره م٬ داغلار كئچه ره م
اؤزومه آلوودان پالتار بيچه ره م
ظولمتى اريديب سئل سئل ايچه ره م
قويمارام ائل داردا قالا٬ قارداشيم
من سؤهراب طاهيرم٬ نه لازيم اؤيود؟
بيرجه اوغلوم قاليب٬ اونو سن بؤيود!
گئديره م جبهه يه٬ سيلاحيم اوميد
قالماييم قارداشدان دالا٬ قارداشيم
0 Comments:
Post a Comment
<< Home