Friday, January 21, 2005

آستارا منيم شئعرلريمين ايلهام منبعى- حميد نطقى



آستارا منيم شئعرلريمين ايلهام منبعى- حميد نطقى

حميد نطقى ايله موصاحيبه. على شامل. تريبون. سايى: ٦

آستارايا كؤچدوك. آتام اورادا آپتئك آچميشدى. اوردا بير ايل قالديق. آستارا منيم شئعرلريمين ايلهام منبعى اولدو. اورا كؤچه نه دك چوخ بؤيوك سو گؤرمه ميشديم. گؤردويوم ان بؤيوك سو تبريزده كى ائنى-اوزونو يوز مئتر اولان شاه گؤلو ايدى. آستارانين ايسه بير طرفى اوجو بوجاغى گؤرونمه ين خزر دنيزى٬ او بيرى طرفى ده داغلار و سيخ اورمانلارلا احاطه اولونموشدو. اورمانلارداكى رنگ برنگ قوشلار٬ اونلارين سسى٬ دنيزده كى جور بجور باليقلار منه ائله گوجلو تاثير ائتدى كى بو گون يازديغيم شئعرلرده كى طبيعت لؤوحه لرى همين ايللردن گلمه دير.

0 Comments:

Post a Comment

<< Home